14.11.13

茄子




何挑選茄子
1. 茄子(除日本和泰國茄子外) 通常都幼長的會較肥胖和"矮仔" 的好
2. 表皮越滑和越有光澤的較嫩口 (可以細細力搖吓條茄子, 識"回彈"的較新鮮
3. 可用手指輕壓表面,不要選擇太腍的(腍 = 老)

*回家後切開, 若果肉是白白淨的就係揀得好,相反,若果有一點點棕黃色的色素,即是茄子已經唔太新鮮

何防止氧化?
有煮過茄子o既朋友都知,茄子切開幾分鐘後就會開始氧化,即使煮熟後亦會影響餸菜的賣相。有啲老人家教,若要防止茄子氧化,切開後可浸鹽水。雖然哩個方法係得,不過切記不能浸太耐,因為茄子好似一舊海棉咁...浸得太耐會吸飽水,若之後要走油或煮時會較難熟。

何除去痺脷的感覺?
其實某啲茄子品種(如歐洲品種)經改良後已經唔會再令你食後有庳脷的不良反應。不過現時喺街市或超市買到的通常都係中國種。要除去庳脷感,最容易的方法就係切開後喺茄子肉上灑上鹽,略醃10-15分鐘後茄子會"出汁",只要將汁液洗清後再煮就唔會有痺脷感。

茄子,如何保持完整條狀?
可以將切好的茄子炸一炸 (油的溫度約200C便可,冇須太高溫) ,約45秒至1分鐘便可。不過若果係家常便飯我通常都唔會咁做,因為始於炸過,唔想食咁多油,若是請客的話,我會用熱水沖一沖表面,盡量將油份去除。

沒有留言:

發佈留言

Related Posts Plugin for WordPress, Blogger...